«ՀՀ-ն ատոմային էլեկտրակայանի նոր էներգաբլոկ կառուցելու օրակարգ և խնդիր ունի». Փաշինյան

«Արդյո՞ք Հայաստանը մոտիկ է՝ հայտարարելու, որ Հայաստանում կտեղակայվի ռեակտորային տեխնոլոգիա, ինչպիսի հաջողություններ և խոչընդոտներ ունեք այս հարցում,- Փաշինյանին հարց հղեց կանադահայ ինժեներ Արտեմ Եղիշյանը:

Ի պատասխան Փաշինյանը նշեց. «ՀՀ-ն ատոմային էլեկտրակայանի նոր էներգաբլոկ կառուցելու օրակարգ և խնդիր ունի: Այդ ուղղությամբ բանակցում ենք Ռուսաստանի, ԱՄՆ-ի և Կորեայի մեր գործընկերների հետ: Հետաքրքրված ենք նաև մոդուլյար ռեակտորների նոր տեխնոլոգիաներով: Ինչքան գիտեմ, այս պահի դրությամբ աշխարհում ոչ մի գործող մոդուլային ռեակտոր չկա»: Նա հավելեց, եր Հայաստանը արևային էներգիան հավաքելու մեծ պոտենցիալ ունի, որը պետք է կիրառել: