Հինգշաբթի, 18 սեպտեմբերի, 2025 թ.
|
Ստեփանակերտում`   +15 °C

«ՀայաՔվե»-ի նախաձեռնությունը կքննարկվի դեկտեմբերի 4-ին. «Ժողովուրդ»

«ՀայաՔվե»-ի նախաձեռնությունը կքննարկվի դեկտեմբերի 4-ին. «Ժողովուրդ»
228
Շաբաթ, 02 դեկտեմբերի, 2023 թ., 09:30

«Ժողովուրդ» օրաթերթը գրում է. «Դեկտեմբերի 4-ին ԱԺ-ում կքննարկվի «ՀայաՔվե»-ի քաղաքացիական օրենսդրական նախաձեռնությունը։ Պետաիրավական հարցերի մշտական հանձնաժողովը, ըստ ամենայնի, բացասական եզրակացություն կտա օրինագծին, ու այն նույնիսկ չի ընդգրկվի ԱԺ լիագումար նիստերի օրակարգում։
Զարմանալի «զուգադիպությամբ» նույն օրերին՝ դեկտեմբերի 5-ին և 8-ին, տեղի են ունենալու նաև «ՀայաՔվե»-ի համակարգող Ավետիք Չալաբյանի դեմ արդեն մեկուկես տարի ձգվող քրեական գործի դատաքննության ամփոփիչ լսումները, և դատավոր Մնացական Մարտիրոսյանը կարդալու է դատավճիռը։

Ամիսներ շարունակ կալանավայրում անցկացրած Ավետիք Չալաբյանի դեմ այս քրեական գործը, ինչպես հետո պիտի պարզվեր, ամբողջապես շինծու մեղադրանքով էր՝ իբր հավաքի մասնակիցներին նյութապես շահագրգռելու հիմքով։

Պարզապես, ինչպես տասնյակ այլ ընդդիմադիր գործիչների, Չալաբյանի դեպքում էլ իշխանությունը նրա քաղաքական ակտիվությունը փորձում է կասեցնել նրա դեմ քրեական հետապնդմամբ»։