Երկուշաբթի, 23 փետրվարի, 2026 թ.
|
Ստեփանակերտում`   +3 °C

Հաշվիչ հանձնախմբի նախագահը ներկայացրեց երեկվա քվեարկությունների արդյունքները

Հաշվիչ հանձնախմբի նախագահը ներկայացրեց երեկվա քվեարկությունների արդյունքները
178
Չորեքշաբթի, 06 դեկտեմբերի, 2023 թ., 10:30

Բարձրագույն դատական խորհուրդը Վճռաբեկ դատարանի հակակոռուպցիոն պալատի կոռուպցիոն հանցագործությունների քննության դատական կազմի դատավորի թափուր տեղի համար առաջադրել էր Սերգեյ Մարաբյանի, Ռուբիկ Մխիթարյանի և Մանվել Շահվերդյանի թեկնածությունները: Փակ քվեարկության արդյունքում ձայները բաշխվել են հետևյալ կերպ. Մարաբյան՝ կողմ 68, Մխիթարյան՝ կողմ 0, Շահվերդյան՝ կողմ 0:

ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովը Հեռուստատեսության և ռադիոյի հանձնաժողովի անդամի պաշտոնում առաջարկել էր Հասմիկ Հակոբյանի թեկնածությունը: Ձայները բաշխվել են հետևյալ կերպ. կողմ՝ 68, դեմ՝ 1:

Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովը Հեռուստատեսության և ռադիոյի հանձնաժողովի անդամի պաշտոնում առաջարկել էր նաև Նունե Հախվերդյանի թեկնածությունը: Ձայները բաշխվել են հետևյալ կերպ. կողմ՝ 68, դեմ՝ 1:

ԱԺ ֆինանսավարկային և բյուջետային հարցերի մշտական հանձնաժողովը Հաշվեքննիչ պալատի անդամի պաշտոնում առաջադրել էր Հակոբ Միհրանյանի թեկնածությունը: Ձայները բաշխվել են հետևյալ կերպ, կողմ՝ 69, դեմ՝ 0: Այս տեղեկությունը հայտնեց Հաշվիչ հանձնախմբի նախագահ Նարեկ Բաբայանը՝ ներկայացնելով երեկ տեղի ունեցած քվեարկությունների արդյունքները: