Ամոթանքի պաստառներ՝ «Հանրայինի» դարպասներին

ՀՅԴ «Նիկոլ Աղբալյան» ուսանողական միությունը Հանրային հեռուստաընկերության դարպասներին «Ամոթ», «TRT1» գրություններով պաստառներ է փակցրել՝ ամոթանք տալով Կաթողիկոսի ուղերձը չցուցադրելու համար․ «Հայաստանի Հանրապետության պատմության մեջ առաջին անգամ Հանրային Հեռուստաընկերության եթերով չի հեռարձակվել Վեհափառ Հայրապետի ամանորյա ուղերձը։
Ամո՛թ Հանրային հեռուստաընկերության տնօրինությանը, որ հանրային շահի փոխարեն սպասարկում է Արցախն Ադրբեջանին հանձնած վարչախմբին:

Հավատարիմ Գարեգին Բ Ամենայն Հայոց Հայրապետի ուղերձին՝ թող երբեք չմարի հայրենի Արցախ վերադարձի տեսիլքը և զորեղ մնա հավատն առ Աստված»,- ասվում է միության տարածած հաղորդագրության մեջ։