«Ալիևը շտապում է Հայաստանից մեծ զիջումներ ստանալ». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Ավելի քան 20 տարի Կասպից ծովի ընդերքից հանված, արտահանված ադրբեջանական նավթի քանակը խիստ նվազել է։ Ադրբեջանի արտահանման ծավալում նավթին փոխարինել է բնական գազը, սակայն նավթի համեմատ, բնական գազի գները ցածր են։ Բացի այդ, Ադրբեջանից արտահանվող գազի ծավալները, այլ երկրների համեմատ, քիչ են։ Ադրբեջանը Եվրոպա արտահանվող գազի ծավալներով զբաղեցնում է 10-րդ տեղը։ Այս պայմաններում Ադրբեջանի բռնապետ Իլհամ Ալիևը շտապում է Հայաստանից նոր զիջումներ պահանջել ու ստանալ, քանի դեռ Նիկոլ Փաշինյանը իշխանություն է։ Հայաստանից Ադրբեջանին արվող մեծ զիջումները կարող են լինել խաղաղության պայմանագրի դրույթների տեսքով, նաև Ադրբեջանի ռազմական նոր ագրեսիայի հետևանքով»: