Արմավիրի բանտից ԱԱԾ են տեղափոխել Գյումրիի նախկին քաղաքապետի եղբորորդուն

Քրեակատարողական ծառայությունը սկսել է կռիվը քրեական ենթամշակույթի դեմ։

«Արմլուր»-ին հայտնի է դարձել, որ Արմավիրի բանտից դուրս են բերել և ԱԱԾ մեկուսարան են տարել Գյումրիի նախկին քաղաքապետ Վարդան Ղուկասյանի եղբորորդուն՝ Վահե Ղուկասյանին։

Իրավապահ համակարգից մեզ հասած լուրերի համաձայն, ծառայությունը լուրջ պայքար Է սկսել բանտերում զոն նայողների ու քրեական ենթամշակույթը կրողների դեմ։

Տեսնենք՝ ինչով կավարտվի այս կռիվը և նորանշանակ ծառայության պետ Ամբակում Գրիգորյանին կհաջողվի հաղթել քրեական ենթամշակույթը կրողներին։

Հիշեցնենք, որ Վահե Ղուկասյանը մեղադրվում էր «Շեկո» մականունով հայտնի Արտյոմ Կարապետյանի սպանության և ապօրինի զենք կրելու մեջ:

2014 թվականի ապրիլին 23-ին Գյումրիում հնչած կրակոցների հետևանքով Արտյոմ Կարապետյանը մահացել էր, «Քավոր Հարութ» մականունով հայտնի Հարություն Խաչատրյանը՝ վիրավորվել:

Մեղադրողը Ղուկասյանի համար 22 տարվա ազատազրկում էր պահանջել, սակայն Շիրակի մարզի ընդհանուր իրավասության դատարանը 17 տարվա ազատազրկման դատապարտեց Գյումրու նախկին քաղաքապետ Վարդան Ղուկասյանի եղբորորդուն՝ Վահե Ղուկասյանին: Վահե Ղազարյանը արդեն 9 տարի է, ինչ կրում է պատիժը: