«Մարտնչող տգիտությունն ամենավտանգավոր բանն է». Լիզա Ճաղարյան

Լրագրող Լիզա Ճաղարյանի ֆեյսբուքյան գրառումը. «Ես հիմա լուրերին չեմ հետևում։ ԳՐԵԹԵ։ Բայց դե՝ մեկ-մեկ աչքովս ինչ-որ բան է ընկնում իշխանական «բարձունքներից», ու դա անպայման զառանցանքին համարժեք բլթոց է լինում։ «Չգիտեմ՝ ինչու է այդպես»։
Մեկն էլ սա է. ոմն փոխնախարարՈՒՀԻ հիմնավորելու համար, որ վաստակավորի կոչումը սուտի բան է (ի դեպ՝ համամիտ եմ, սովետի մնացուկ է), «ծանրակշիռ» օրինակ է բերել՝ Նիկոլայ Ծատուրյանին ո՞վ է ճանաչում։
Մարտնչող տգիտությունն իրոք աշխարհիս երեսի ամենավտանգավոր բանն է, քանի որ ոչ մի տգետ չի էլ կասկածում, որ ինքը տգետ է։ Հիմա էս աղջնակինն է։ Ի՛նքը չի ճանաչում։ Ու քանի որ ինքը չի ճանաչում, մնացածներս ո՞վ դառանք, որ մեր ճանաչելն իրեն հետաքրքրի։ Ինքը մի օր քնել է ու առավոտը փոխնախարար դարձած է արթնացել։
Մեր էս մի բուռ Հայաստանի մի բուռ թատերական աշխարհում Նիկոլայ Ծատուրյանին չճանաչելն ընդամենը ինքնագոհ տգիտության հետևանք է, աղջիկ ջան։ Նիկոլայ Ծատուրյանի բեմադրությունները կարող ես չհավանել, կարող ես հավանել, բայց եթե մշակույթի ոլորտում ես, էն էլ՝ ղեկավար ես ոչ բարով, ու չգիտես՝ ինչ չափով է ճանաչված ռեժիսոր Նիկոլայ Ծատուրյանը, նշանակում է՝ դու քո տեղում չես, նույն հաջողությամբ կարող ես ժէկի պետ աշխատել։
Եթե ձեզնմանների հիմնավորումներն էս մակարդակի են, թե ինչու է ավելորդ «վաստակավորի» կոչումը, հազար անգամ վա՛յ մեզ։
Եվ ընդհանրապես՝ վա՛յ մեզ»: