«Հարկ եղած դեպքում Իրանի «ձեռքը չի դողա»». Հակոբ Բադալյան

Քաղաքական մեկնաբան Հակոբ Բադալյանի ֆեյսբուքյան գրառումը. «Իրանը հրթիռային հարված է հասցրել Պակիստանում գործող ահաբեկչական խմբերի ճամբարներին:
Նախօրեին Իրանը բալիստիկ հրթիռներով հարված էր հասցրել նաև Իրաքի տարածքին՝ Իրաքյան Քուրդիստանին, ասելով, որ խոցել է իսրայելական և ամերիկյան օբյեկտներ:
Սրանք ըստ էության կարծես թե աննախադեպ քայլեր են, երբ Իրանը անմիջականորեն, ոչ «պրոքսի» տարբերակով հասցնում է այդ հարվածներն այլ պետությունների տարածքին: Լայն նպատակը, թերևս, ցույց տալն է, որ հարկ եղած դեպքում Իրանի «ձեռքը չի դողա»:
Հատկանշական է երկու բան. հարվածները հաջորդում են ՌԴ պաշտպանության նախարարի հետ Իրանի պաշտպանության նախարարի հեռախոսազրույցին, ինչպես նաև բրիտանական հեղինակավոր պարբերականներում Իրանի մերձավորարևելյան մեծ ազդեցության մասին հրապարակումներին»: