«Եվրոպաշտոնյաները ձկան նման լուռ են»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը. «Նիկոլ Փաշինյանի իշխանության օրոք կալանքը խտրական ձևով որպես պատժի միջոց, եթե կուզեք՝ խոշտանգման ձև է կիրառվում, չնայած այն բանին, որ մարդու իրավունքների եվրոպական դատարանը հորդորել է խափանման այդ միջոցը կիրառել բացառիկ դեպքերում, քանզի կալանքը խանգարում է մեղադրվողների կողմից իրենց իրավունքների արդյունավետ պաշտպանությանը։ Նախկինում կալանքի ոչ իրավաչափ կիրառման դեպքում աղմուկ բարձրացրած եվրոպաշտոնյաները հիմա ձկան նման լուռ են։ Մի ցայտուն օրինակ, ԱԺ նախկին պատգամավոր, ՀՅԴ գերագույն մարմնի անդամ Սուրեն Մանուկյանը Խաչատուր Քոքոբելյանի հոր առևանգման մեղադրանքով 2022թ․ օգոստոսի 11-ից կալանքի տակ է, այդ գործով 5 դատավոր է փոխվել, սակայն դատարանում դեռ ոչ մի վկա չի հարցաքննվել, ապացույցները չեն հրապարակվել»։