«Ընկերը դարձավ ֆռենդ, ժպիտը` սմայլիկ». «Ֆեյսբուք»-ը 20 տարեկան է

«Արար» քաղաքակրթական հետազոտությունների հիմնադրամի գործադիր տնօրեն Արմեն Խաչիկյանը գրում է. «20 տարի առաջ այս օրը Մարկ Ցուկերբերգը ստեղծեց «Ֆեյսբուք»-ը.
1️⃣ «Ֆեյսբուք»-ը կտրեց իրական իրականությունից, մարդկանց շպրտելով կեղծ, բայց ցանկալի իրականության մեջ։
2️⃣ «Ֆեյսբուք»-ը կլանեց մեդիան և տեղեկատվական հոսքերը։ Խոսքի ազատությունը փոխարինվեց խոսքի սանձարձակությունով։
3️⃣«Ֆեյսբուք»-ը նպաստեց ինտերնետային տիրույթի տոտալ անպատասխանատվության ձևավորմանը։
4️⃣«Ֆեյսբուք»-ը կլանեց գրեթե բոլոր ոլորտները՝ քաղաքականությունից մինչև անհատական մերսումներ։
5️⃣ «Ֆեյսբուք»-ը ձևավորեց նոր բառապաշարով լեզու, նոր արժեհամակարգով մշակույթ։
6️⃣ Ձևավորվեց Հայկական նոր պետություն ու հասարակություն՝ Ֆեյսբուքահայաստան և ֆեյսբուքահայություն։
7️⃣ «Ֆեյսբուք»-ի օգնությամբ ընկերը դարձավ ֆռենդ, ժպիտը դարձավ սմայլիկ, սրտիկելը դարձավ սիրո ամենավսեմ դրսևորում, իսկ WiFi-ը գլխավորեց պահանջմունքների բուրգը։
2004 թվականի փետրվարի 4-ին Ցուկերբերգը պատկերացնո՞ւմ էր, թե իր ստեղծած «Ֆեյսբուք»-ն ինչ արդյունքի կհասնի»: