«Կոչ եմ անում դադարեցնել քաղաքական ինտրիգները». Կլիչկոն պաշտպանել է Զալուժնուն

Կիևի քաղաքապետ Վիտալի Կլիչկոն դեմ է արտահայտվել Ուկրաինայի Զինված ուժերի գլխավոր հրամանատար Վալերի Զալուժնու՝ սպասվող հրաժարականին և կոչ է արել իշխանություններին դադարեցնել քաղաքական ինտրիգները: Այս մասին նա գրել է Telegram-ի իր ալիքում:

«Հասարակությունը քննարկում և լարված սպասում է, թե ինչո՞վ կավարտվեն Ուկրաինայի ԶՈՒ գլխավոր հրամանատար Վալերի Զալուժնուն պաշտոնանկ անելու նախագահի պլանները: Ցավոք, եկել է մի պահ, երբ քաղաքականությունը կարող է գերազանցել ողջախոհությունն ու պետության շահերը: Հույս ունեմ, որ իշխանությունը կհասկանա այն քայլերի լրջությունը, որ հիմա անում է: Իշխանության գործողությունները պետք է ուղղված լինեն բանակի մարտունակության ամրապնդմանը և հասարակության միավորմանը: Վերջապես պետք է դադարեցնել քաղաքական ինտրիգներն ու ներքին պայքարը»,- գրել է նա: