«Թուրքիայի զինված ուժերն ամռանը կամրապնդեն իրենց դիրքերը Հյուսիսային Իրաքում». Էրդողան
547 Երկուշաբթի, 12 փետրվարի, 2024 թ., 22:36 Թուրքիայի նախագահ Ռեջեփ Թայիփ Էրդողանը հայտարարել է, որ ամռանը հանրապետության զինված ուժերը (ԶՈւ) նախատեսում են ուժեղացնել իրենց դիրքերն ու հենակետերը Հյուսիսային Իրաքում՝ իր բնորոշմամբ՝ հակաահաբեկչական գործողության տարածքում, ինչը կբարձրացնի դրանց արդյունավետությունը։ Այս մասին նա ասել է Անկարայում նախարարների կաբինետի նիստից հետո։ «Ամռան ամիսներին մենք հիմնականում կավարտենք մեր դիրքերի ամրապնդումը «Ճանկեր» գործողության տարածքում: Այսպիսով, մենք կկարողանանք շատ ավելի արդյունավետ միջոցներ ձեռնարկել ահաբեկիչների դեմ»,- ասել է նախագահը: «Ճանկ» օպերացիան թուրքական ԶՈւ-ի կողմից իրականացվում է Հյուսիսային Իրաքի մի շարք շրջաններում 2019 թվականից։ Նրա թիրախը Թուրքիայում արգելված Քրդստանի աշխատավորական կուսակցությունն ու նրա հարակից կազմակերպություններն են։ «Թուրքիան կանի ամեն ինչ, որպեսզի թույլ չտա ահաբեկչական պետության ստեղծումն իր հարավային սահմաններում: Մենք կշարունակենք ոչնչացնել ահաբեկչական կազմակերպությունների անդամներին, որտեղ էլ որ նրանք լինեն, և մենք կոչնչացնենք նրանց ենթակառուցվածքները», - ասել է Էրդողանը: Միաժամանակ, նախագահն ընդգծել է, որ «Թուրքիան, անշուշտ, հարգում է Իրաքի տարածքային ամբողջականությունը»։ Նա նաև «իրավացիորեն ակնկալում է իրաքցի եղբայրներից, որ նրանք թույլ չեն տա, որ իրենց հողերը՝ որպես հենակետ, օգտագործվեն Անկարայի դեմ գործող ահաբեկիչների համար»։ |
«Բաքուն գեոտնտեսական նոր պրոդուկտ է թողարկել՝ «Չինաստան-Ադրբեջան-Եվրոպա կանաչ միջանցք» անվան տակ»․ Վահե Դավթյան
8915:30«Այս տարի ավելի քան 50 երկրներում, որոնք ներկայացնում են աշխարհի բնակչության կեսը, անց են կացվում ընտրություններ»․ Վահե Դավթյան
28217.05.2024, 17:36«ԵԱՏՄ-ին մասնակցությունը ձեռնտու է Հայաստանին»․ ՌԴ ԱԳՆ
68917.05.2024, 01:24««Կանաչ էներգետիկ փոխակերպում»-ը պրոպագանդիստական փուչիկ է». Վահե Դավթյան
41416.05.2024, 00:54Թուրքիան, Հայաստանը և Չինաստանը՝ ՌԴ մարզերի հետ բեռնաշրջանառության ոլորտում առաջատարներ․ #ТАСС
105413.05.2024, 18:18Ընթանում է ԵԱՏՄ 10-րդ գագաթնաժողովը. ՈՒՂԻՂ ՄԻԱՑՈՒՄ (տեսանյութ)
97408.05.2024, 18:42«ԵԱՏՄ-ն հաստատվել է՝ որպես զարգացող բազմաբևեռ աշխարհի կենտրոններից մեկը». Պուտին (տեսանյութ)
171308.05.2024, 18:36Կրեմլը մեկնաբանել է ԵԱՏՄ-ին Հայաստանի մասնակցության հնարավոր դադարեցումը
175008.05.2024, 13:36