«Ոչինչ չունեմ ասելու». Ավանեսյանը՝ Քրիստինա Աբրահամյանի կալանավորման մասին

Անդրադառնալով առողջապահական տեսչական մարմնի բժշկական օգնության և սպասարկման վերահսկողության վարչության պետ Քրիստինա Աբրահամյանի կալանավորմանը՝ լրագրողների հետ ճեպազրույցում Առողջապահության նախարար Անահիտ Ավանեսյանն ասել է․ «Ոչինչ այս պահին չունեմ ասելու, ընդհանուր առմամբ տեսչական մարմինների բարեփոխումները երկար ու ծանր ընթացք էին և հույս ունեմ, որ թե՛ գործառույթների շրջանակի հստակեցումը, թե՛ իրավական հիմքերի ստեղծումը և թե՛ նաև կառուցվածքային առումով ինչ-որ արվում է՝ պետք է նպաստի, որ հնարավորինս զերծ մնանք նման դեպքերից»։