«Ստրկացված իշխանության վարքագծի դրսևորում է». Արծվիկ Մինասյան

«Ստրկացված իշխանության վարքագծի դրսևորում է»,- ասել է ԱԺ «Հայաստան» խմբակցության պատգամավոր Արծվիկ Մինասյանը՝ լրագրողների հետ ճեպազրույցի ժամանակ անդրադառնալով Հայաստանի սահմանը հատած ադրբեջանցի զինծառայողին վերադարձնելու հարցին․ «Չկա ոչ մի արժանապատվություն, ավելին, իշխանությունը էս վարքագծով արդեն ողջ ազգի, ժողովրդի, պետականության արժանապատվությունն է շպրտել գետնին։ Այդ կեղծ թեզը, որ անընդհատ տարվում է, գալիս է Նիկոլ Փաշինյանի էությունից: Նա իր վարքագծով չի հանդուրժում ոչ միայն բարեկամությունը, նաև եղած դաշնակցական հարաբերությունները վերածում է թշնամականի, իսկ թշնամիներին ավելի է կատաղեցնում, դարձնում վայրենի. ինչպես իր կյանքն է, նույն ձևով էլ մեր ժողովրդին է պարտադրում»,- ասել է Մինասյանը։