Գազա ուղարկվող միջազգային օգնությունն անհետանում է պահեստներում

Իրանի Իսլամական Հանրապետության Կարմիր մահիկի ընկերության ղեկավարը հայտարարել է, որ Գազային ուղարկվող օգնությունը կորչում է պահեստներում։

Փիրհոսեյն Կոլիվանդը նախօրեին «Պաղեստինի բռնազավթումը միջազգային իրավունքի տեսանկյունից և մարդասիրական իրավունքի դերը Գազայում» միջազգային քոնգրեսում՝ անդրադառնալով ավելի քան 30 հազար մարդու մահվան և հազարավոր կանանց ու երեխաների վիրավորմանը Գազայում, ասել է, որ Գազայում այդ մարդկանց համար բժշկական ծառայություններ չկան։

Իրանի Իսլամական Հանրապետության Կարմիր մահիկի ընկերության ղեկավարը հայտնել է այս ընթացքում 24 հազար նորածնի ծննդյան մասին և ասել. «Մայրերն ու նորածիններն այս ընթացքում չեն ունեցել և չունեն բժշկական օգնության հնարավորություն»:

Նշելով, որ միջազգային օգնության միայն 25%-ն է հասնում Գազա, նա շարունակել է, որ իսրայելական ռեժիմի պատճառով է Գազայի բնակչությանն ուղարկված միջազգային օգնության ավելի քան 75%-ը ոչնչանում:

Կոլիվանդը, նշելով, որ ստուգումից հետո օրական ընդամենը 15-25 բեռնատար է մտնում Գազա, հավելել է. «Իսրայելական ռեժիմը, չպահպանելով պահեստավորման պայմանները, հանգեցնում է օգնության մատակարարումների ոչնչացմանը»։