Կիևն արձագանքել է Հռոմի պապի` սպիտակ դրոշ պարզելու հորդորին
![]() 1137 Երկուշաբթի, 11 մարտի, 2024 թ., 00:18 Կիևն արձագանքել է Հռոմի պապի այն հայտարարությանը, որ Ուկրաինան պետք է սպիտակ դրոշ պարզելու քաջություն ունենա: Ուկրաինայի արտաքին գործերի նախարար Դմիտրո Կուլեբան սոցցանցում գրել է. «Երբ խոսքը վերաբերում է «սպիտակ դրոշին», մենք գիտենք Վատիկանի այս ռազմավարությունը 20-րդ դարի առաջին կեսից»: Շատ պատմաբաններ քննադատել են Վատիկանին Երկրորդ համաշխարհային պատերազմի ժամանակ՝ ասելով, որ Պիոս 12-րդ պապը լուռ է մնացել Հոլոքոստի ժամանակ: «Ես կոչ եմ անում խուսափել անցյալի սխալները կրկնելուց և աջակցել Ուկրաինային և նրա ժողովրդին իրենց կյանքի համար արդար պայքարում: Ամենաուժեղը նա է, ով բարու և չարի միջև պայքարում կանգնած է բարու կողքին, այլ ոչ թե փորձում է դրանք դնել նույն հիմքի վրա և դա անվանել «բանակցություններ»», - շարունակել է Կուլեբան: «Մեր դրոշը դեղին և կապույտ է: Սա այն դրոշն է, որով մենք ապրում ենք, մեռնում... Մենք երբեք այլ դրոշներ չենք բարձրացնի»,- ավելացրել է Ուկրաինայի արտգործնախարարը, նաև շնորհակալություն հայտնել Պապին խաղաղության համար իր աղոթքների համար՝ հույս հայտնելով, որ նա կայցելի Ուկրաինա։ Հռոմի պապի սկանդալային հայտարարությունների քննադատությունից հետո Վատիկանի մամուլի ծառայության ղեկավար Մատեո Բրունին բացատրել էր, որ Ուկրաինայի վերաբերյալ իր խոսքերով Ֆրանցիսկոսը մտադիր է եղել «հրադադարի կոչ անել և վերականգնել բանակցությունների խիզախությունը», և նկատի չի ունեցել կապիտուլյացիան։ Աղբյուրը` Դմիտրո Կուլեբա |
Փաշինյանը կարմիր ժապավեն կտրեց խարդախության համար դատապարտվածի հետ․ «Ժողովուրդ»
9309:24«Փաշինյանի հայրը չէր ուրախանա, որ իր անունով մրցաշար կազմակերպվեր», բայց արեցին. «Ժողովուրդ»
10909:06Սպասվում են տեղումներ (լուսանկար)
12608:30«Ավելի լավ է ընդհանրապես չպայքարել, քան զբաղվել պայքարի իմիտացիայով». Արգիշտի Կիվիրյան
20602:06«Թուրքերը սրանց թեթև ձեռքով մեզ բոլորիս հերթական անգամ փորձեցին ստորացնել». Արման Աբովյան
30200:24«Եթե այսօր հրաժարվենք Արցախի իրավունքների վերականգնումից, վաղը կվիճարկվի Հայաստանի ապագան». Դավիթ Մանուկյան
259Երեկ, 23:54«Դատարանը լսեց պաշտպանական կողմի դիրքորոշումը և գնաց խորհրդակցական սենյակ». Վարդան Ղուկասյանի փաստաբան
171Երեկ, 23:42ՊՆ-ն հերքել է Ադրբեջանի հերթական ապատեղեկատվությունը
148Երեկ, 23:12