«Ռուսաստանը Ֆինլանդիայի սահմանների մոտ զորք կտեղակայի». Պուտին

Ռուսաստանի նախագահ Վլադիմիր Պուտինը կարծում է, որ Ֆինլանդիան ՆԱՏՕ-ին անդամակցելու իր որոշմամբ փչացրել է Ռուսաստանի հետ «իդեալական հարաբերությունները»: Այս մասին Պուտինն ասել է Դմիտրի Կիսելյովին տված հարցազրույցում: «Ֆինլանդիայի հետ մենք ունեինք կատարյալ հարաբերություններ: Մենք ոչ մի հավակնություն չենք ունեցել միմյանց նկատմամբ, առավել ևս՝ տարածքային, էլ չեմ խոսում այլ ոլորտների մասին։ Մենք զորք չունեինք ռուս-ֆիննական սահմանին: Ինչո՞ւ նրանք որոշեցին միանալ ՆԱՏՕ-ին, անկեղծ ասած, չեմ հասկանում»,- նշել է Պուտինը:

«Մենք այնտեղ զորք չունեինք, հիմա կունենանք»,- հավելել է նա: