«Հորինում էին, թե ՀԱՊԿ-ը դուրս է եկել Հայաստանից». Զախարովա

Մենք երբեք կասկածի տակ չենք դնի ցանկացած պետության՝ իր ներքաղաքական կուրսը դրսևորելու ինքնիշխան իրավունքը: Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով ՀԱՊԿ-ի վերաբերյալ ՀՀ ղեկավարության հայտարարությունները:

«Մեզ չի կարող չմտահոգել Հայաստանի ղեկավարության անարդյունավետ, երբեմն վիրավորական հռետորաբանությունը: Մենք առաջարկել ենք Հայաստանին՝ ՀԱՊԿ դիտորդական առաքելություն տեղակայել: Այդ ժամանակ Հայաստանի ղեկավարությունը նախընտրեց այլ միջոցներ: Հորինում էին, թե ՀԱՊԿ-ը դուրս է եկել Հայաստանից: Հետո սկսեցին վիրավորել և նսեմացնել, ինչը հատուկ չէ հայ հասարակությանը: Հետո որոշեցին ԵՄ առաքելություն հրավիրել, որը ոչ այնքան պաշտպանում է Հայաստանի սահմանները, որքան զբաղվում է հետախուզական տվյալների հավաքագրմամբ՝ հարևան պետությունների դեմ, օրինակ՝ Ռուսաստանի, Ադրբեջանի, Իրանի: Հիանալի հասկանում ենք արևմտյան երկրների կողմից մեր հայ գործընկերների վրա ճնշումները: Եթե Երևանը շարունակի նման կուրսը, անդառնալի վնաս կհասցվի մեր դաշնակցային հարաբերություններին»,- ասել է Զախարովան: