«Հայաստանը կարող է Եվրոմիությանն անդամակցելու հայտ ներկայացնել». Ստանո

Հայաստանը կարող է Եվրոմիությանն անդամակցելու հայտ ներկայացնել, հետագա որոշումը կախված է ԵՄ բոլոր երկրների կողմից հավանությունից: Այս մասին հայտարարել է Եվրոհանձնաժողովի ներկայացուցիչ Պետեր Ստանոն՝ Известия-ին տված հարցազրույցում:

«Երկրներն իրավունք ունեն ձգտել իրենց ժողովրդի համար ավելի լավ ապագայի: Ինչ վերաբերում է ԵՄ անդամակցությանը, ապա յուրաքանչյուր եվրոպական երկիր՝ նրա ժողովուրդն ու կառավարությունը, պետք է որոշի, թե արդյոք ցանկանում է ԵՄ անդամակցելու հայտ ներկայացնել: Երբ պետությունն անդամակցելու հայտ է ներկայացնում, անդամ պետությունները դիտարկում են այն, ապա համապատասխան որոշում կայացնում՝ հիմնվելով ԵՄ պայմանագրերի և սահմանված չափանիշների վրա»,- ասել է Ստանոն: