Չորեքշաբթի, 25 մարտի, 2026 թ.
|
Ստեփանակերտում`   +8 °C

Էրդողանն ընդունել է ՏԻՄ ընտրություններում իր կուսակցության պարտությունը

Էրդողանն ընդունել է ՏԻՄ ընտրություններում իր կուսակցության պարտությունը
538
Երկուշաբթի, 01 ապրիլի, 2024 թ., 09:48

Թուրքիայի նախագահ Ռեջեփ Թայիփ Էրդողանը խոստովանել է, որ իր կուսակցությունը կիրակի օրը երկրում անցկացված տեղական ինքնակառավարման ընտրություններում պարտություն է կրել, հաղորդում է Al Arabia-ն։

«Թուրքիայի նախագահ Ռեջեփ Թայիփ Էրդողանը խոստովանել է, որ կիրակի կայացած տեղական ընտրությունների արդյունքները շրջադարձային պահ են դարձել իր կուսակցության համար, սակայն խոստացել է հարգել ազգի որոշումը»,-նշում է հեռուստաալիքը։

«Ցավոք, մենք չենք հասել ցանկալի արդյունքների»,-ասել է Էրդողանը՝ ելույթ ունենալով իր «Արդարություն և զարգացում» կուսակցության կենտրոնակայանում։

Էրդողանը հավելել է, որ «կհարգի ազգի որոշումը, չի գործի ազգային կամքին հակառակ և կասկածի տակ չի դնի ազգի ուժը»։