Երկուշաբթի, 20 ապրիլի, 2026 թ.
|
Ստեփանակերտում`   +8 °C

Ապօրինի հողաքանդման դեպք` հանրապետական նշանակության հուշարձանի տարածքում

Ապօրինի հողաքանդման դեպք` հանրապետական նշանակության հուշարձանի տարածքում
229
Երեքշաբթի, 02 ապրիլի, 2024 թ., 03:06

ՀՀ ԿԳՄՍ նախարարություն Պահպանության Ծառայություն ՊՈԱԿ-ը հայտնում է. ««Ամրոցի համալիր Ախթամիր» հանրապետական նշանակության հուշարձանի տարածքում ապօրինի հողաքանդման հերթական դեպքն է արձանագրվել։

Տեղի ունեցածը բացահայտել են ՊՄՊ Արագածոտնի մարզային ծառայության աշխատակիցները՝ հուշարձանի տարածքում հերթական շրջայցի ընթացքում։ Հողաքանդման հետևանքով հայտնաբերվել են 6 քարե ֆալոսատիպ կոթող, որոնք նախնական թվագրվում են մ․թ․ա երկրորդ հզ․-ի երկրորդ կեսով։

Վնասվել են հիմնահողային դամբանախցերը, ինչի արդյունքում հողը լցվել է վերգետնյա մյուս կառույցների վրա։ «Պահպանության ծառայություն» ՊՈԱԿ-ը դիմել է ՀՀ ԿԳՄՍ նախարարություն՝ վնասված հուշարձանի տարածքում մաքրման, հետազոտման աշխատանքներ իրականացնելու նպատակով։

«Պահպանության ծառայություն» ՊՈԱԿ-ը նյութեր է նախապատրաստում ՀՀ ՆԳՆ ոստիկանություն դիմելու համար՝ կատարվածին իրավական գնահատական տալու, դեպքը բացահայտելու համար։

Հ․Գ․ «Պահպանության ծառայություն» ՊՈԱԿ-ը ևս մեկ անգամ հորդորում է ապօրինի գործողություններով չվնասել հանրապետական նշանակության հուշարձանը»:

Աղբյուրը`   ՀՀ ԿԳՄՍ նախարարություն Պահպանության Ծառայություն ՊՈԱԿ