«Կործանարար շղթան կտրելու պահը հիմա է, տեղը՝ Տավուշը»․ Արմեն Ռուստամյան

«Հատվածական սահմանազատումն ու սահմանագծումը Ադրբեջանի հորինածն է, և հակասում է մեր շահերին ու միջազգային լավագույն պրակտիկային»,- ԱԺ հայտարարությունների ժամին ասել է «Հայաստան» խմբակցության պատգամավոր Արմեն Ռուստամյանը։ «Այդ ապօրինի պահանջին տուրք տալը, նշանակում է ուղղակիորեն ուժի սպառնալիքի տակ անվերապահորեն կատարել Ադրբեջանի կամքը։ Այս եզրահանգումը ամրապնդվում է Ադրբեջանի այն պահանջով, որ սահմանների հստակեցումն իրականացվի հենց Տավուշի հատվածից, որտեղ մեր առաջնագիծն ամենաամուրն է։ Այսպիսի գործընթացի մեջ մտնելով՝ հայկական կողմը փաստացի պատրաստակամություն է հայտնում սահմանազատում և սահմանագծում իրականացնել Ադրբեջանի կողմից ուժի սպառնալիքների կիրառման պայմաններում, իսկ նման դեպքերում մեզ այլևս ոչ ոք, եթե ուզենա էլ, չի կարողանա օգնել։ Կործանարար այս շղթան կտրելու պահը հիմա է, տեղը՝ Տավուշը»,- ասել է Ռուստամյանը։