Կիրակի, 19 մայիսի, 2024 թ.
|
Ստեփանակերտում`   +9 °C

«Պուտինի երդմնակալությանը մասնակցելու հարցում ինտրիգ չկա, տեխնիկական հարցեր են քննարկվում». Հակոբյան

«Պուտինի երդմնակալությանը մասնակցելու հարցում ինտրիգ չկա, տեխնիկական հարցեր են քննարկվում». Հակոբյան
170
Ուրբաթ, 12 ապրիլի, 2024 թ., 16:00

Պուտինի երդմնակալությանը մասնակցելու հետ կապված ինտրիգ պետք չէ փնտրել, ոչ մի խնդիր չկա, տեխնիկական հարցերն են քննարկվում։ Այս մասին 24 TV-ի հետ զրույցում նշել է ԱԺ ՔՊ խմբակցության պատգամավոր Վաղարշակ Հակոբյանը՝ անդրադառնալով մայիսի 7-ին նախատեսված ՌԴ նախագահ Վլադիմիր Պուտինի երդմնակալության արարողությանը մասնակցելու՝ ՀՀ-ի կողմից դեռևս որոշում չհայտնելու հանգամանքին։

Անդրադառնալով մայիսին ԵԱՏՄ գագաթնաժողովին ՀՀ մասնակցության մասին հարցին, թե հնարավո՞ր է Հայաստանը չմասնակցի, քանի որ դեռևս դիրքորոշում չի ներկայացվել՝ պատգամավորը նշել է, որ կարծում է՝ ԵԱՏՄ գագաթնաժողովին պետք է մասնակցենք, քանի որ տնտեսական միության շրջանակում Հայաստանի գործունեությունը բավականին էֆեկտիվ է, պետք է առաջ շարժվել նույն էֆեկտիվությամբ։ «Հայաստանը Ռուսաստանի հետ կտրուկ քայլերի գնալու մտադրություն չունի»,-ավելացրել է Հակոբյանը։