«Տաք է, դրախտում եք ապրում»․ Լուկաշենկոն՝ Ադրբեջանում

Բելառուսի նախագահ Ալեքսանդր Լուկաշենկոն պետական այցով ժամանել է Ադրբեջան: «Տաք է, դրախտում եք ապրում»,- ժամանելուն պես՝ օդանավակայանում ասել է Լուկաշենկոն։

Ինչպես հայտնում է Բելառուսի նախագահի մամուլի ծառայությունը, Բաքվում Լուկաշենկոն պաշտոնական բանակցություններ կանցկացնի Ադրբեջանի նախագահ Իլհամ Ալիևի հետ: Երկու երկրների ղեկավարների հանդիպումը կանցկացվի «դեմ առ դեմ» ձևաչափով և ընդլայնված կազմով՝ պատվիրակությունների անդամների մասնակցությամբ։