«ՄԱԿ-ի համար Զելենսկին շարունակում է մնալ Ուկրաինայի նախագահ»․ Դյուժարիկ

731

Երեքշաբթի, 21 մայիսի, 2024 թ., 12:06

Վլադիմիր Զելենսկին շարունակում է մնալ Ուկրաինայի նախագահ։ Այս մասին Նյու Յորքում ճեպազրույցի ժամանակ հայտարարել է ՄԱԿ-ի գլխավոր քարտուղար Անտոնիո Գուտերեշի պաշտոնական ներկայացուցիչ Ստեֆան Դյուժարիկը։

Այս կերպ նա պատասխանել է լրատվամիջոցների հարցին, թե արդյոք ՄԱԿ-ն օրինական ներկայացուցիչ կհամարի Զելենսկուն՝ խաղաղության շուրջ բանակցությունների ժամանակ։

Նշենք, որ Ուկրաինայի Սահմանադրության համաձայն՝ 2019թ․ 5-ամյա ժամկետով ընտրված Զելենսկու լիազորությունները պետք է ավարտվեին մայիսի 21-ի գիշերը, սակայն պատերազմական պայմաններում Կիևը հրաժարվել է նախագահական ընտրություններ անցկացնելուց։