«Այն, ինչ Փաշինյանին թույլատրված էր 2018-ին, նա չի ցանկանում թույլ տալ մեկ ուրիշին 2024-ին»․ Զատուլին
548 Երկուշաբթի, 27 մայիսի, 2024 թ., 16:30 ՌԴ Պետդումայի ԱՊՀ գործերով, եվրասիական ինտեգրման և հայրենակիցների հետ կապերի հանձնաժողովի նախագահի առաջին տեղակալ Կոնստանտին Զատուլինը «Говорит Москва» ռադիոկայանին տված հարցազրույցում գնահատել է Հայաստանում իշխանափոխության հեռանկարները։ «Կարծում եմ՝ հետագան կախված է առաջին հերթին ցուցարարների՝ մինչև վերջ գնալու պատրաստակամությունից, և երկրորդ՝ նրանից, թե արդյոք իրավապահներն ու ծառայությունները կհամաձայնեն հետևել Փաշինյանին, որտեղ էլ նա գնա՝ ցանկանալով դադարեցնել բողոքի ալիքն ու ճնշել ընդդիմությանը: Վստահ չեմ, որ նրանք այդքան անընկճելի կլինեն, եթե փորձությունները շարունակվեն: Այս ամենը բախվում է Հայաստանի գլխին կախված Ադրբեջանի առկայությանը։ Պաշտոնում Փաշինյանի մնալու հիմնական պատճառն այն վախն է, որ նրա տապալումը կարող է հանգեցնել Հայաստանի և Ադրբեջանի միջև նոր պատերազմի, որից Հայաստանում վախենում են և չեն ցանկանում։ Ահա թե ինչն է հետ պահում նրա հետ անհամաձայն քաղաքացիներին, իսկ այսօր նրա վարկանիշը իջել է անսովոր ցածր մակարդակի։ Ի տարբերություն ընդդիմության՝ նա այլևս չի կարող իր աջակցության համար ցուցարարների բազմություն հավաքել»,- ասել է Զատուլինը՝ հավելելով, որ Փաշինյանը փորձելու է թույլ չտալ, որ «Տավուշը հանուն հայրենիքի» շարժումը իշխանության հասնի՝ օգտագործելով այն նույն մեթոդները, որոնք ինքն է կիրառել մի քանի տարի առաջ։ «Ինչ վերաբերում է այս շարժմանը, այն սկսել է այն պահից, երբ գյուղերն Ադրբեջանին հանձնելու խնդիր առաջացավ։ Իհարկե, սա վերջին կաթիլը դարձավ նրանց համար, ովքեր որոշել են մասնակցել այս ամենին։ Մինչև վերջ պարզ չէ՝ ինչ սահմաններում են վարչապետն ու նրա համախոհները պատրաստ բռնություն կիրառել: 2018թ․ նա իշխանության եկավ հենց այս կերպ՝ ցույցեր կազմակերպելով, որոնք չեն ճնշվել, և այդ ժամանակ կարգուկանոնի հաստատման ցանկացած կոչ համարվում էր հանցագործություն ժողովրդավարության դեմ։ Այսօր նա ամբողջովին փոխել է իր դեմքը։ Այն, ինչ Փաշինյանին թույլատրված էր 2018-ին, նա չի ցանկանում թույլ տալ մեկ ուրիշին 2024-ին»,- նշել է Զատուլինը։ |
«ՊՆ-ում խաղաղ պայմաններում մեկ տարվա մեջ 39 մահվան դեպք կա». Դավիթ Կարապետյան
9902:06«Ադրբեջանը շարունակաբար ապացուցում է, որ չունի խաղաղության գնալու նպատակ». Տաթևիկ Հայրապետյան (տեսանյութ)
208Երեկ, 17:24«Ի՞նչ է պետք անել, որպեսզի հասարակությունն ամաչի և վիրավորվի իր հետ կատարվողից»․ Վահե Հովհաննիսյան
174Երեկ, 17:12«Արցախն Ադրբեջանի կազմում ճանաչելը ոտնահարում է ՀՀ սահմանադրությունը»․ ՀայաՔվե
166Երեկ, 17:06«Մինչ ՀՀ իշխանությունն ափալ-թափալ պրոցեսը տանում է, Ադրբեջանում չի էլ հրապարակվել կանոնակարգը». Աննա Գրիգորյան (տեսանյութ)
146Երեկ, 16:54«Ի՞նչ է առաջարկում ԱՄՆ-ն Ալիևին»․ Հակոբ Բադալյան
179Երեկ, 16:12«Պետության ապագայի հարց է որոշվում, մարդու միակ հիմնավոր փաստարկը իր կարծիքն է»․ Անժելա Էլիբեգովա
153Երեկ, 16:00«Մհեր Գրիգորյանի դեմ հանցագործության մասին հաղորդում ենք ներկայացրել»․ Ավետիք Չալաբյան
161Երեկ, 15:36