Պարգևատրում՝ «լավ» աշխատանքի դիմաց

ՀՀ նախագահը հրամանագիր է ստորագրել՝ Հայկ Բաբայանին գեներալ-մայորի կոչում շնորհելու մասին․ «Հիմք ընդունելով վարչապետի առաջարկությունը՝ համաձայն Սահմանադրության 133-րդ հոդվածի 2-րդ մասի և «Զինվորական ծառայության և զինծառայողի կարգավիճակի մասին» օրենքի 16-րդ հոդվածի 1-ին մասի 1-ին կետի, ՀՀ ներքին գործերի նախարարության ոստիկանության զորքերի հրամանատար-ոստիկանության պետի տեղակալ, գնդապետ Հայկ Հարությունի Բաբայանին շնորհել գեներալ-մայորի զինվորական կոչում»,- նշված է տեքստում։

Ինչպես հայտնի է, Բագրատ Սրբազանի առաջնորդությամբ խաղաղ անհնազանդության ակցիաներին ի պատասխան, ոստիկանությունը բիրտ ու անհամաչափ ուժ է կիրառում: Ասում են՝ հատկապես երեկ, ոստիկանության զորքերի հրամանատար Հայկ Բաբայանը, մի քանի մետր հեռավորության վրա, պարծենում էր իր ղեկավարած բերետների գործողություններով։ Պարգևատրումը, թերևս, «լավ» աշխատանքի դիմաց էր։