«Ոչ ոք իրավունք չունի մեզ ասելու, թե ինչպես պետք է ավարտվի պատերազմը»․ Զելենսկի

Սինգապուրում, լրագրողների հետ զրույցում, Զելենսկին համեմատել է ԱՄՆ-ի և Չինաստանի դիրքորոշումները Խաղաղության գագաթնաժողովի վերաբերյալ՝ նշելով, որ Պեկինը փորձում է խափանել այն։ Նրա խոսքով՝ Չինաստանը գործիք է Պուտինի ձեռքում։ Հարցին՝ կհամաձայնի՞ մասնակցել Չինաստանի և Բրազիլիայի կողմից Ռուսաստանի մասնակցությամբ ծրագրված առանձին համաժողովին, Ուկրաինայի նախագահը պատասխանել է. «Ոչ ոք իրավունք չունի մեզ ասելու, թե ինչպես պետք է ավարտվի այս պատերազմը։ Այն պետք է ավարտվի միջազգային իրավունքին համապատասխան, արդար։ Մենք պատրաստ էինք լսել յուրաքանչյուր երկրի, բայց մե՛ր հարթակում, որը կազմակերպել էր շվեյցարական կողմը»,- եզրափակել է Զելենսկին։