Երեքշաբթի, 23 հուլիսի, 2024 թ.
|
Ստեփանակերտում`   +24 °C

«Խորապես մտահոգված ենք Ադրբեջանում շարունակվող ձերբակալություններով»․ Միլեր

«Խորապես մտահոգված ենք Ադրբեջանում շարունակվող ձերբակալություններով»․ Միլեր
374
Հինգշաբթի, 06 հունիսի, 2024 թ., 11:48

ԱՄՆ-ն խորապես անհանգստացած է Ադրբեջանի քաղաքացիական հասարակության անդամների շարունակական ձերբակալություններով։ Այս մասին ճեպազրույցի ժամանակ հայտարարել է ԱՄՆ Պետդեպարտամենտի խոսնակ Մեթյու Միլերը՝ արձագանքելով Ադրբեջանում Abzas Media-ի հետաքննության շրջանակներում ձերբակալված հայտնի տնտեսագետ և լրագրող Ֆարիդ Մեհրալիզադեի ձերբակալությանը։

«Մենք խորապես մտահոգված ենք Ադրբեջանի քաղաքացիական հասարակության անդամների շարունակական ձերբակալություններով: Նրանք, ովքեր օգտվում են իրենց հիմնարար ազատություններից՝ ներառյալ ազատ արտահայտվելու իրավունքը, չպետք է ձերբակալվեն դրա համար: Մենք շարունակում ենք կոչ անել Ադրբեջանի կառավարությանն անհապաղ ազատ արձակել անարդարացիորեն կալանավորված բոլոր անձանց և հարգել մարդու իրավունքներն ու բոլորի հիմնարար ազատությունները»,- նշել է Միլերը։