«Իրենց շարասյան մարդկանց փորձում էին որպես Սոթքի բնակիչ ներկայացնել»․ մարզպետ

Հունիսի 5–ին Բագրատ Սրբազանն ու աջակիցները մեկնել էին Գեղարքունիքի մարզ, ապա հանրահավաք իրականացրել սահմանամերձ Սոթքում։
Ըստ մամուլում շրջանառվող տեղեկությունների՝ Գեղարքունիքի մարզպետ Կարեն Սարգսյանը խստիվ արգելել է մարզպետարանի ենթակայության տակ գտնվող հիմնարկների աշխատակիցներին մասնակցել հանրահավաքին:

ԱրմԼուր-ը Գեղարքունիքի մարզպետից հետաքրքրվել է՝ ի՞նչ հրահանգ է իջեցրել և ինչու՞:

«Ամոթ չունեն, ինչպես կարելի է սուտ «տրյուկներ» անել, որ ներկայացնեն՝ ինչու իրենց մոտ ինչ-որ բան չի ստացվում»,-ասել է մարզպետը:
-Պարո՛ն Սարգսյան, ինչը ստացված չէր, բավականին մարդ էր մասնակցում հանրահավաքին:

-Լուրջ եք ասո՞ւմ: Ոչ թե բազմամարդ չէր, այլ ՝ իրենց շարասյան մարդկանց հավաքել էին ու փորձում էին որպես Սոթքի բնակիչ ներկայացնել։

-Պարո՛ն Սարգսյան, բայց մասնակիցները որպես մարզի բնակիչ էին ներկայանում, որտեղից նման համոզմունք ձեզ, որ Գեղարքունիքից չէին նրանք:

-Մի քանի հոգի կարող է մարզից մասնակցած լինեին, էլ չեմ ուզում խոսել այս մասին։