«Վաշինգթոնը կշարունակի Երևանի հետ պաշտպանական և անվտանգության հարցերի շուրջ աշխատանքը»․ Օ՛Բրայեն

Վերջին տարիներին Հայաստանի ժողովուրդը բազմիցս հաստատել է բարեփոխումների իր ցանկությունը, որը թույլ կտա Հայաստանին ավելի լավ ինտեգրվել գլոբալ տնտեսությանը։ Այս մասին Երևանում հայտարարել է ԱՄՆ պետքարտուղարի Եվրոպայի և Եվրասիայի հարցերով տեղակալ Ջեյմս Օ՛Բրայենը։

«Մենք կշարունակենք պաշտպանության, անվտանգության հարցերում աշխատանքը։ Նախորդ տարի տեղի ունեցավ մեր համատեղ զորավարժությունը, սպասում ենք ավելիին։ Ակնկալում ենք աշխատել նաև կիբերանվտանգության, սահմանների, էներգետիկ, պարենային անվտանգության ոլորտներում։ ԱՄՆ-ն աջակցում է տնտեսական հնարավորությունների ընդլայնման ջանքերին՝ Կենտրոնական Ասիայից մինչև Միջերկրական ծով։ ԱՄՆ-ն աջակցում է նաև տարածաշրջանում տևական խաղաղություն հաստատելու ջանքերին։ Եթե Հայաստանի ու Ադրբեջանի միջև տևական խաղաղություն լինի, ապա այդ հնարավորություններն ավելի լայն կլինեն»,- ասել է Օ՛Բրայենը։