«Հավատում եմ՝ մի օր կունենամ Երկիր, որտեղ թուրքի առջև չոքած էլ չի լինի»․ Մհեր Մկրտչյան

Ռեժիսոր Մհեր Մկրտչյանը ֆեյսբուքյան իր էջում գրել է․ «․..քանի քանի միֆ պայթեց էս ընթացքում..․
Արհեստական «բուծած» գեներալներ՝ փողի ու պագոնի համար պուպուշ փիսո դարձած...
Արհեստական «բուծած» մտավորականներ՝ բուծած ըստ ճաշակի, հավեսի, գուցե և հաճույքի...
Արհեստական բուծածը հարմար ա՝ շոյում ա ու մեծարում: Բայց երբ Երկիր ա կործանվում՝ փուչիկի պես պայթում:
Պայթում ա ու չոքած ողջունում սերունդ կործանելուն, հող ու տուն հանձնելուն, պատմություն ջնջելուն...
Չոքած ողջունում թշնամու առջև չոքածներին:
Հետո բուծողները դառնում են «չգնահատված», իսկ ազգը մեղավոր՝ խաբվելու ու չհասկանալու համար:
Ես հավատում եմ ու երազում, որ մի օր կունենամ Երկիր: Երկիր, որտեղ էլ արհեստական սարքած հասարակություն չի լինի: Դրա հետևանքով դավաճան ծնող ու սատարող հասարակություն էլ չի լինի: Պինգվին դարձած գեներալներ էլ չեն լինի: Ագահ տերեր էլ չեն լինի: Երկիր, որտեղ մարդկանց ծեծող ոստիկան չի լինի: Երկիր, որտեղ թուրքի առջև չոքած էլ չի լինի:
Հ.Գ. Երկիր, որտեղ արհեստականը բուծող իշխանություն էլ չի լինի»։