Երեքշաբթի, 22 սեպտեմբերի, 2026 թ.
|
Ստեփանակերտում`   +21 °C

«Հուսով ենք՝ ՀՀ ղեկավարությունը կպարզաբանի իրավիճակը»․ ՀԱՊԿ գլխավոր քարտուղար

«Հուսով ենք՝ ՀՀ ղեկավարությունը կպարզաբանի իրավիճակը»․ ՀԱՊԿ գլխավոր քարտուղար
549
Ուրբաթ, 21 հունիսի, 2024 թ., 12:00

ՀԱՊԿ-ն պահպանում է բոլոր պարտավորությունները Հայաստանի նկատմամբ, երկիրը մնում է կազմակերպության դաշնակիցը։ Այս մասին լրագրողների հետ զրույցում, Интерфакс-ի հաղորդմամբ, ասել է ՀԱՊԿ գլխավոր քարտուղար Իմանգալի Տասմագամբետովը։

«Հայաստանը եղել է և կա մեր դաշնակիցը ՀԱՊԿ-ում, և Հայաստանի նկատմամբ մեր բոլոր պարտավորությունները պահպանվում են։ Իսկ ահա կազմակերպությանը անդամակցության հարցը երկրի սուվերեն իրավունքն ու որոշումն է։ Հուսով ենք՝ ՀՀ ղեկավարությունը, այնուամենայնիվ, կպարզաբանի իրավիճակը, և կլինի պաշտոնական որոշում՝ լինել կազմակերպության կազմում, թե՝ ոչ»,- ասել է նա։