Քաղաքացին զանգահարել է 911 ու ասել, որ ցանկանում է ինքնասպան լինել

305

Շաբաթ, 22 հունիսի, 2024 թ., 16:18

Հունիսի 22-ին, ժամը 12:34-ին Ճգնաժամային կառավարման ազգային կենտրոն քաղաքացուց ահազանգ է ստացվել, որ ինքը գտնվում է Երևանի «Թումո ստեղծարար տեխնոլոգիաների կենտրոն»-ի այգու ժայռի վրա և ցանկանում է ինքնասպանություն գործել՝ նետվելով ժայռից։
Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, Հոգեբանական աջակցության բաժնի հերթապահ հոգեբանը և Բժշկական ապահովման վարչության հերթապահ խումբը։
Փրկարարները կանխել են Է. Բ-ի ինքնասպանության փորձը. քաղաքացին տեղափոխվել է ոստիկանության Մաշտոցի բաժին։

Աղբյուրը` ՀՀ ՆԳՆ փրկարար ծառայություն