Եվրոմիությունը վերջնագիր է ներկայացրել Վրաստանին
![]() 544 Երկուշաբթի, 24 հունիսի, 2024 թ., 23:54 Եվրոմիությունը պատրաստ է Վրաստանին զրկելու եվրոպական ֆինանսավորումից և մատակարարումներից՝ Խաղաղության եվրոպական հիմնադրամի միջոցով, եթե «օտարերկրյա գործակալների» մասին օրենքը չչեղարկվի։ Այս մասին հայտարարել է ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը։ «Մենք պատրաստ ենք դադարեցնելու ֆինանսական աջակցությունը Վրաստանին և Եվրոպայի խաղաղության հիմնադրամի աջակցությունը։ Դա կարելի է անել անմիջապես, այս որոշումները չեն պահանջում ձայների մեծամասնություն»,- ասել է Բորելը՝ նշելով, որ ԵՄ երկրներից մեկը (նկատի ունի Հունգարիան) չի աջակցում Վրաստանի վրա ճնշում գործադրելուն։ «Ուզում եմ բարձրաձայն ու հստակ ասել, որ Վրաստանը ԵՄ-ին անդամակցելու ճանապարհով առաջ չի գնա, եթե կառավարությունը չփոխի իր ուղղվածությունը»,- ընդգծել է Բորելը։ Միևնույն ժամանակ, իշխող «Վրացական երազանք-Ժողովրդավարական Վրաստան» կուսակցության գործադիր քարտուղար, խորհրդարանական մեծամասնության առաջնորդ Մամուկա Մդինարաձեն ասել է, որ Վրաստանի ղեկավարությունը չի ակնկալում «Եվրոմիություն ինտեգրման բացասական արդյունքներ»՝ չնայած Բորելի խոսքերին: Մդինարաձեն նշել է, որ «օտարերկրյա գործակալների» մասին օրենքը գործում է մի շարք երկրներում, այդ թվում՝ ԱՄՆ-ում և Իսրայելում։ «Այսինքն, սա ժամանակակից միտում է, և Վրաստանը դա ընդունել է։ Բայց Վրաստանը փոքր երկիր է, պարզվում է, և մեծերը կարող են շատ ավելի խիստ ձևով դա ընդունել՝ քրեական պատասխանատվությամբ և հսկայական ֆինանսական պատժամիջոցներով, բայց Վրաստանը չի կարող դա անել, քանի որ Վրաստանը փոքր է, փոքր բնակչությամբ։ Եվ պարզվում է, որ դրա համար էլ Վրաստանում այս օրենքը «ռուսական» է։ Սա դարի խարդախությունն է, և մենք չենք թողնի, որ դա անցնի։ Սա առաջին պատճառն է, որ մենք ոչ մի բացասական արդյունք չենք ակնկալում»,- ասել է Մդինարաձեն։ |
Հայկ Սարգսյանը ՔՊ վարչության նիստին պահանջել է Ալեն Սիմոնյանին հեռացնել կուսակցությունից
3012:54««Արարատը խլում են մեզնից» ասող ընդդիմադիրնե՛ր, վաղվանից էշով կգաք գործի»․ Հայկ Կոնջորյան (տեսանյութ)
7812:00«Մոլդովան կործանվում է». Վլադիմիր Վորոնին
14711:50«Նիկոլ Փաշինյանի կառավարությունը ներսից քանդում է Հայաստանը»․ Հարութ Սասունյան
11311:36«Գյումրեցուն չեն կարող զրկել տոնից․ արտահերթ նիստ ենք նախաձեռնել»․ Սարիկ Մինասյան
12511:30«Սրանք փորձում են վերադարձնել այն օրերը, երբ ազգային ամեն ինչն արգելված էր»․ Արթուր Խաչատրյան
9911:06«Սա աղետ է». Տարոն Չախոյան (տեսանյութ)
10810:54«2021-ի գրեթե բոլոր ցույցերին մասնակցել եմ, բայց ոչ թե իմ ցանկությամբ, այլ վերադասի հրահանգով». Արամ քահանա Ասատրյան (տեսանյութ)
13710:48