«Ռուսաստանի առաջարկը կարող է կանգնեցնել պատերազմը»․ Պուտին

486

Երեքշաբթի, 25 հունիսի, 2024 թ., 11:18

Արևմտյան շատ քաղաքական գործիչներ չցանկացան նույնիսկ «խորանալ» Ուկրաինայում իրավիճակի կարգավորման ռուսական նոր առաջարկի էության մեջ, թեպետ այն կարող էր իսկապես կանգնեցնել պատերազմը։ Այս մասին, Интерфакс-ի հաղորդմամբ, հայտարարել է ՌԴ նախագահ Վլադիմիր Պուտինը։

Ավելի վաղ Պուտինը հանդես էր եկել Ուկրաինայում հակամարտության կարգավորման առաջարկով, որը նախատեսում է՝ Ուկրաինայի զինված ուժերի դուրսբերում ԴԺՀ-ից, ԼԺՀ-ից, Խերսոնից և Զապորոժիեից, հակառուսական պատժամիջոցների չեղարկում, ինչպես նաև ՆԱՏՕ-ին Ուկրաինայի անդամակցությունից հրաժարում։ Պուտինի խոսքով՝ «Ռուսաստանի խաղաղ առաջարկները հավերժ չեն գործելու»։ Ուկրաինայում և Արևմուտքում այդ առաջարկներից հրաժարվել են։ Ուկրաինայի նախագահ Վլադիմիր Զելենսկին դրանք անվանել է «վերջնագիր», իսկ ԱՄՆ-ում հայտարարել են, որ Ռուսաստանը չի կարող խաղաղության պայմաններ թելադրել։