Պուտինը ժամանել է Աստանա

ՌԴ նախագահ Վլադիմիր Պուտինը ժամանել է Աստանա, որտեղ կմասնակցի Շանհայի համագործակցության կազմակերպության (ՇՀԿ) գագաթնաժողովին։ Օդանավակայանում նրան դիմավորել է Ղազախստանի վարչապետ Օլժաս Բեկտենովը։

ՇՀԿ անդամ պետությունների առաջնորդները կքննարկեն համագործակցության հետագա խորացման հեռանկարները, ինչպես նաև կազմակերպության աշխատանքի կատարելագործումը։

Նիստի արդյունքներով կստորագրվեն Աստանայի հռչակագիրը և այլ համատեղ փաստաթղթեր։