Զելենսկին նշել է հրադադարի պայմանը

Ուկրաինան մերժում է հրադադարի մասին Հունգարիայի վարչապետ Վիկտոր Օրբանի առաջարկը: Այս մասին հայտարարել է Ուկրաինայի նախագահ Վլադիմիր Զելենսկին, հայտնում է Bloomberg-ը։

Նրա խոսքով՝ Ռուսաստանը կարող է օգտագործել հրադադարը՝ «ուժերը կուտակելու և նոր հարձակում սկսելու համար»։ Զելենսկին նաև ասել է, որ Ուկրաինայում ռազմական գործողությունների դադարեցումը հնարավոր է միայն այն դեպքում, եթե ստեղծվի հստակ ծրագիր, թե ապագայում ինչ կլինի Ուկրաինայի հետ։

Զելենսկին շեշտել է, որ նման պայմանավորվածություն կարող է ձեռք բերվել միջազգային հարթակում և այն երկրների մասնակցությամբ, որոնց առաջնորդներին վստահում են։