Կիրակի, 21 հուլիսի, 2024 թ.
|
Ստեփանակերտում`   +24 °C

«Պատրաստ ենք Ռուսաստանի հետ ռազմավարական գործընկերության մասին պայմանագիր ստորագրել»․ Փեզեշքիան

«Պատրաստ ենք Ռուսաստանի հետ ռազմավարական գործընկերության մասին պայմանագիր ստորագրել»․ Փեզեշքիան
360
Երեքշաբթի, 09 հուլիսի, 2024 թ., 16:00

Իրանը պատրաստ է Ռուսաստանի հետ համապարփակ ռազմավարական գործընկերության մասին պայմանագիր ստորագրել հոկտեմբերին՝ Կազանում կայանալիք ԲՐԻՔՍ-ի գագաթնաժողովի շրջանակում։ Այս մասին ՌԴ նախագահ Վլադիմիր Պուտինի հետ հեռախոսազրույցի արդյունքներով հայտարարել է ԻԻՀ նորընտիր նախագահ Մասուդ Փեզեշքիանը։

«Իրանի և Ռուսաստանի միջև համապարփակ ռազմավարական գործընկերության մասին համաձայնագրի փաստաթղթերի նախապատրաստական աշխատանքներն ավարտված են։ Մենք պատրաստ ենք այն ստորագրել ԲՐԻՔՍ-ի գագաթնաժողովի շրջանակում։ Մենք մեծ նշանակություն ենք տալիս Ռուսաստանի՝ մեր ընկերոջ հետ հարաբերություններին, և, անկասկած, կամրապնդենք այդ հարաբերությունները։ ԻԻՀ նոր կառավարությունը կներդնի բոլոր ջանքերը՝ ի կատար ածելու իրանա-ռուսական պայմանավորվածությունները, որոնք ձեռք են բերվել նախագահ Էբրահիմ Ռաիսիի օրոք»,- IRNA-ն մեջբերում է Փեզեշքիանի խոսքը։