«Ժամանակին մի դատախազի ասացի` մեզ չեք բռնելու, չէ՞». Բագրատ Սրբազան

«Էս շրջանը մեզ համար զուլալվելու, մաքրվելու, լավ ու վատը տարանջատելու շրջան է: Ի վերջո, ինչ որ բան է տեղի ունենում մեր երկրում»,- Չարենցավանում խոսելով իր գաղափարակիցների հետ, ասաց Բագրատ Սրբազանը:

«Մի դատախազ պաշտոնյայի, ժամանակին երբ խոսում էինք՝ այս շարժումից շատ առաջ, ես ասացի՝ փողոց եմ դուրս գալու, չեք բռնելու, չէ՞ մեզ: Ասաց՝ չէ, բայց ինչպես կլինի, որ դուրս գաք փողոց, դա քաղաքական գործընթաց ա, դուք՝ հոգևորական, դրան եք մասնակցելո՞ւ: Ես ասացի՝ դու որ երկրից դուրս ես գալիք, գնում ես աշխատելու, հանգստանալու, դու գլուխդ բարձր ման ես գալի՞ս: Ասաց՝ չէ: Ես էլ պատասխանեցի, որ այդ պայքարը հենց դրա համար է լինելու՝ քաղաքական գործիքներով վերականգնելու մեր արժանապատվությունը»,- պատմեց Սրբազանը: