«Առաջնայինը իմ շահերն են». գրող Հայկ Հովյան

Գրող Հայկ Հովյանը ֆեյսբուքյան իր էջում գրել է. «Ես կուսակցական չեմ ու կուսակցական շահեր չունեմ: Չունեմ նաև տարատեսակ նախընտրական ցուցակներում հայտնվելու շահեր: Ինչպես և տարատեսակ դրամաշնորհների , տենդերների, մրցանակների մասնակցելու հավակնություններ: Չունեմ բիզնեսներ և հետևաբար հովանավարչության, աջակցության, մենաշնորհության շահեր:
Ես հասարակ «ռաբածյագ» եմ, որ շաբաթը 7 օր աշխատում ա 3-4 տարբեր տեղեր՝ իր ընտանիքի կարիքներն ապահովելու համար:
Բայց ես ունեմ 2 շահ:
Ողջ մնալու՝ քանզի հասարակ զինապարտ եմ, ծնողներս ինձ փողով բանակից չեն ազատել ( չունեին էլ, որ ազատեին), հիվանդություններ չունեմ, իբր թե դիսերտացիա գրած գիտնական չեմ, արտասահմանում հանգրվանած հայրենասեր չեմ, ծանոթ գեներալներ չունեմ: Կարճ ասած՝ ոչ մի «ռամս» չունեցող «գյուլլի միս» եմ ու իմ առաջնային շահն է՝ ողջ մնալը:
Մյուս շահը՝ Հայաստանի գոյությունն է... էն տեսքով ու բովանդակությամբ, որ կա: Ես չեմ ուզում արտագաղթել ու կյանքս 0-ից սկսել: Կարամ, բայց չեմ ուզում: Եվ չեմ ուզում զավակներիս փախցնել էս երկրից: Հայաստանն ինձ բավարարում ա անգամ էսպիսինը՝ 29 740 քկմ-ով:
Վախկոտ ա հնչու՞մ: Գուցե, բայց, եթե ես պիտի զոհված լինեմ, իսկ զավակներս արտագաղթած ինձ առանձնապես չի հուզում, թե էտ Հայաստանում , ինձնից հետո, որ չինովնիկը ինչ մեքենա կքշի:
Ու ես լիիրավ իրավունք ունեմ պաշտպանելու են կոնկրետ քայլերը, որոնք ըստ իս՝ կբխեն իմ «մանր» շահերից:
Հ.Գ. Եվ դա անկախ նրանից, թե որ քաղաքական գործիչը կփորձի իրագործել այդ քայլերը:
Առաջնայինը իմ շահերն են»: