«Աստիճանաբար անցելու են նրան, որ պետության անունը նույնպես պետք է փոխել»․ Հայկազուն Ալվրցյան

Ինչպես հայտնի է, Կառավարության որոշմամբ «Հայոց պատմություն» առարկան վերանվանվել է «Հայաստանի պատմություն»։ Բանասիրական գիտությունների դոկտոր Հայկազուն Ալվրցյանը «Երկիր մեդիա»-ի եթերում հայտարարել է, որ նման փոփոխությունները մեկ քայլով չեն ավարտվում, կլինի նաև հաջորդը․ «Նոր իշխանությունների բոլոր փոփոխությունները հանգեցնում են մի բանի՝ այլափոխել, այլասերել հայոց պատմությունը։ Աստիճանաբար արգելք է դրվում Արարատ լեռը հայկական կոչելու հանգամանքի վրա, խոսքը՝ վարչականորեն արգելքի մասին է, ոչ թե պատմականորեն, որը որևէ մեկը չի կարող փոխել։ Աստիճանաբար անցելու են նրան, որ այս պետության անունը նույնպես պետք է փոխել։ Հայաստանի Հանրապետություն է, չէ՞, ուրեմն քանի որ Հայաստանի պատմություն է, կդնեն անունը Հայաստան։ Հանրապետություն չենք ունենա, քանի որ Հանրապետությունն ունի պատմություն»,- ասել է նա։