«Թշնամու զորքն արդեն Կիրանցի ներսում է»․ Աճարկուտի բնակիչ

«Արդեն կամրջի վրա են, իմ կանգնած տեղից մոտ 30 մետր հեռավորության վրա, դպրոցից ուղիղ 50 մետր են հեռու»,-«Մեդիահաբ»-ի հետ զրույցում ասել է Կիրանցի բնակչուհի Գոհար Վարդանյանը՝ խոսելով գյուղում ադրբեջանցի սահմանապահների տեղակայման մասին։

Նրա խոսքով՝ ադրբեջանցի սակրավորները տարածքում համապատասխան գործիքներով ականազերծման աշխատանքներ էին իրականացնում, սակայն, դեռ օրեր առաջ այն բանուկ ճանապարհահատված էր ու կապում էր Հայաստանը՝ Վրաստանին։

«Հիմա արդեն տանը նստած ենք նայում ադրբեջանցի սահմանապահներին: Մեր «խաղաղասեր» հարևաններն արդեն Կիրանց են հասել»,- նշել է նա։

«Թշնամու զորքն արդեն Կիրանցի ներսում է, իսկ հարևան Աճարկուտի «շրջանցիկ» ճանապարհից լսելի և տեսանելի են և՛ ձայները և՛ նոր հենակետերը»,- այս մասին էլ լրատվականին ասել է Աճարկուտի բնակիչ Կարեն Ղազարյանը՝ միաժամանակ տեղեկացնելով, որ ոստիկանությունն արգելում է վարորդներին կանգնել, տեսանկարահանել ադրբեջանցի սահմանապահներին։
Կիրանցիներին տեղեկացրել էին, որ ադրբեջանցիները կայցելեն հուլիսի 24-ին, սակայն, նրանք նախընտրեցին գալ 9 օր շուտ։
Մանրամասները՝ սկզբնաղբյուրում