Երկուշաբթի, 23 փետրվարի, 2026 թ.
|
Ստեփանակերտում`   +10 °C

Լատվիայում սկսել են ակտիվորեն ավտոտնակներ գնել՝ պատրաստվելով Ռուսաստանի հետ պատերազմին․ #Times

Լատվիայում սկսել են ակտիվորեն ավտոտնակներ գնել՝ պատրաստվելով Ռուսաստանի հետ պատերազմին․ #Times
658
Երեքշաբթի, 16 հուլիսի, 2024 թ., 17:12

Լատվիայում սկսել են ակտիվորեն ավտոտնակներ գնել՝ պատրաստվելով Ռուսաստանի հետ պատերազմին, գրում են ռուսական լրատվամիջոցները՝ հղում անելով բրիտանական Times-ին։

«Այն պահից, երբ սկսվեցին ուկրաինական իրադարձությունները, անընդհատ խոսակցություններ են գնում այն մասին, թե ինչ անել, եթե Ռուսաստանը մտնի Լատվիա։ Տարբերակներից մեկը՝ լողալ գետի միջով, ապա՝ ծովի»,- պարբերականին հայտնել է անշարժ գույքի սեփականատերերից մեկը։

Նրա խոսքով՝ փախուստը հնարավոր է, մասնավորապես, Ռիգայի Կրաստա փողոցում գտնվող ավտոտնակներից։ Խորհրդային Միության ժամանակաշրջանի նման անշարժ գույքը, ավելացնում է Times-ը, լատվիացիների համար ապաստան է դարձել արտաքին աշխարհից։ Ավելի վաղ Politico պարբերականը հայտնել էր, որ Գերմանիան պատրաստվում է Ռուսաստանի հետ պատերազմի՝ դրա համար օգտագործելով Լիտվայի տարածքը: