ԱՄՆ-ն մերժել է Ռուսաստանի պահանջը

ԱՄՆ վարչակազմը հրաժարվել է կատարել Ռուսաստանի ԱԳ նախարար Սերգեյ Լավրովի պահանջը՝ վերացնելու «ուկրաինական ճգնաժամի սկզբնապատճառը»։ Այս մասին ՄԱԿ-ի Անվտանգության խորհրդի նիստում ասել է ԱՄՆ Պետդեպարտամենտի խոսնակ Մեթյու Միլերը։

«Արտգործնախարարի ձևակերպման խնդիրն այն է, որ Եվրոպայում ոչ ոք չի սպառնում Ռուսաստանին։ Ոչ մի ռազմական սպառնալիք չկա, և ոչ ոք չի սպառնացել Ռուսաստանից խլել նրա տարածքը»,- Միլերի խոսքը մեջբերում է ՏԱՍՍ-ը։

Նրա խոսքով՝ ԱՄՆ-ն չի ընդունում ռուսական տեսակետը և նախատեսում է շարունակել համագործակցությունը Կիևի հետ՝ արդար և տևական խաղաղության հասնելու համար։

Նախօրեին Լավրովը Նյու Յորքում ՄԱԿ-ի կենտրոնակայանում ելույթի ժամանակ կոչ է արել «վերացնել ուկրաինական ճգնաժամի սկզբնապատճառը», որի կարգավորումը պետք է ներառի «Արևմուտքից բխող սպառնալիքների վերացումը»։ ՌԴ ԱԳ նախարարը հիշեցրել է նաև Ուկրաինայում խաղաղության հաստատման պայմանների մասին, որոնք առաջարկել է ՌԴ նախագահը։