«Թրամփի օրոք գոնե երկխոսություն կար»․ Պեսկով

ԱՄՆ-ում Դոնալդ Թրամփի նախագահության տարիներին Ռուսաստանի նկատմամբ սահմանափակումներ էին մտցվում, բայց երկրների միջև գոնե երկխոսություն կար։ Այս մասին հայտարարել է ՌԴ նախագահի խոսնակ Դմիտրի Պեսկովը։

«Դուք գիտեք, որ Թրամփի օրոք Ռուսաստանի համար առանձնապես ոչ մի լավ բան չի արվել։ Ընդհակառակը, Թրամփի օրոք ավելի ու ավելի շատ սահմանափակումներ էին մտցվում, բայց, այնուամենայնիվ, երկխոսություն կար։ Դա, հավանաբար, կարելի է դրական կետի վերագրել»,- ասել է Պեսկովը՝ մեկնաբանելով Թրամփի հայտարարությունն այն մասին, որ ինքը լավ հարաբերություններ ունի Պուտինի հետ։