Չորեքշաբթի, 22 հոկտեմբերի, 2025 թ.
|
Ստեփանակերտում`   +16 °C

«ԵՄ-ն և ՆԱՏՕ-ն իրենց հարցերը կլուծեն առանց այն մարդկանց, որոնք հարցեր են լուծում թիկունքում»․ Զելենսկի

«ԵՄ-ն և ՆԱՏՕ-ն իրենց հարցերը կլուծեն առանց այն մարդկանց, որոնք հարցեր են լուծում թիկունքում»․ Զելենսկի
663
Հինգշաբթի, 18 հուլիսի, 2024 թ., 15:54

Ուկրաինայի նախագահ Վլադիմիր Զելենսկին՝ ելույթ ունենալով Եվրոպական քաղաքական համայնքի IV գագաթնաժողովի լիագումար նստաշրջանում, կոչ է արել պահպանել Եվրոպայում միասնությունը։

«Մենք պետք է պահպանենք միասնությունը Եվրոպայում։ Դա կնշանակի, որ Պուտինը սխալվել է և նրան չի հաջողվել պառակտում մտցնել։ Եվրոպան պետք է վճռական լինի խաղաղություն ապահովող այդ արժեքի պահպանման հարցում»,- ասել է Զելենսկին։

Զելենսկին նշել է, որ Պուտինը կարող է կապեր հաստատել, շանտաժի ենթարկել և փորձել վնաս հասցնել եվրոպական միասնությանը։

«Իհարկե, յուրաքանչյուրն ինքն է ընտրում՝ ինչպես վարվել։ Բայց եթե Եվրոպայում մեկը փորձում է հարցեր լուծել թիկունքում, ցանկանում է աջակցել պատերազմին, ինչ-որ բան խոստանալ Ուկրաինայի կամ այլ երկրների շահերի դեմ, ապա ինչո՞ւ այդ դեպքում մենք ընդհանրապես պետք է ուշադրություն դարձնենք նման մարդկանց վրա։ ԵՄ-ն և ՆԱՏՕ-ն իրենց հարցերը կլուծեն առանց այդ մարդկանց»,- եզրափակել է Զելենսկին։