«Ռուսաստանը պատերազմ է սկսել՝ տեսնելով Աֆղանստանում ԱՄՆ-ի ձախողումը»․ Թրամփ

ԱՄՆ նախկին նախագահ, նախագահի թեկնածու Դոնալդ Թրամփը պնդում է, որ Ռուսաստանը պատերազմ է սկսել Ուկրաինայում՝ տեսնելով ԱՄՆ-ի թուլությունն Աֆղանստանից ամերիկյան զորքերի դուրսբերման ժամանակ, փոխանցում է ՏԱՍՍ-ը։

«Տեսեք՝ ինչ է կատարվում Ուկրաինայում։ Ուկրաինայում հակամարտությունն սկսվեց Աֆղանստանից զորքերի աղետալի դուրսբերմամբ: Այդ ձախողումից ոգևորված՝ Ռուսաստանը ներխուժեց Ուկրաինա։ Նրանք տեսան, որ այդ մարդիկ [ներկայիս ամերիկյան վարչակազմը] անգործունակ են»,- ասել է Թրամփը՝ ելույթ ունենալով Հանրապետական կուսակցության ազգային համագումարում։

Ամերիկյան լրատվամիջոցները նշում են, որ ելույթում Թրամփը համաձայնել է առաջադրվել նոյեմբերին կայանալիք ընտրություններում։

Ավելի վաղ Թրամփն Աֆղանստանից զորքերի դուրսբերումն անվանել է ԱՄՆ պատմության մեջ «ամենամեծ նվաստացումը»։