Կիրանցում շարունակվում են պատի և ճանապարհի շինարարական աշխատանքները

Կիրանցում այսօր նկարահանումներ անելը բավականին բարդ է. սահմանապահները հսկում են, թույլ չեն տալիս լրագրողներին աշխատել, նկարահանել, հատկապես, երբ մոտենում են բաժանարար պատին։ Այս մասին հայտնում է «Սպուտնիկ Արմենիա»-ի լրագրողը՝ Կիրանցից հրապարակված տեսանյութում։
«Սա բաժանարար պատն է, որը մոտ 1 ամիս առաջ են սկսել կառուցել։ Այստեղ դեռ շարունակվում են և՛ պատի, և՛ ճանապարհի շինարարական աշխատանքները։ Այլընտրանքային ճանապարհն է կառուցվում։ Բաժանարար պատից մոտ 50 մետր հեռավորության վրա նորակառույց դպրոցն է։ Ենթադրվում է՝ սեպտեմբերից երեխաները պետք է այնտեղ դասի գնան»,-ասվում է տեսանյութում։