«Կիևը պատրաստ է բանակցություններ վարել Մոսկվայի հետ»․ Կուլեբա

Կիևը պատրաստ է բանակցություններ վարել Մոսկվայի հետ։ Այս մասին Չինաստանի ԱԳ նախարար Վան Իի հետ զրույցում ասել է Ուկրաինայի ԱԳ նախարար Դմիտրի Կուլեբան։

«Ուկրաինական կողմը ցանկանում է և պատրաստ է երկխոսություն և բանակցություններ վարել ռուսական կողմի հետ։ Իհարկե, բանակցությունները պետք է լինեն ռացիոնալ և գործնական բնույթ կրեն, ուղղված լինեն արդար և տևական խաղաղության հասնելուն»,- ասել է Կուլեբան։

Նա նաև նշել է, որ Ուկրաինան բարձր է գնահատում Չինաստանի ակտիվ և կառուցողական դերը խաղաղության խթանման և միջազգային կարգի պահպանման գործում։